वेस्ट इन्डिजविरुद्धको खेलमा भारतका कप्तान गिलले बनाए कीर्तिमान

काठमाडौं । भारतले बुधबार वेस्ट इन्डिजले प्रस्तुत गरेको ४०५ रनको लक्ष्य ४३।३ ओभरमा पूरा गर्दै आठ विकेटको सनसनीपूर्ण जित निकाल्यो ।

जितमा आकर्षणको केन्द्र बने- भारतीय कप्तान शुभमन गिल ।

आईसीसीको संरचनामा दोस्रो तह मानिने एकदिवसीय अन्तर्राष्ट्रियमा उक्त नतिजा विरलै देख्न पाइन्छ र असम्भवजस्तै मानिन्छ ।

तर, कप्तान गिलले २२३ को अविजित दोहोरो शतकीय पारी खेल्दै जित सम्भव बनाइदिए । यो प्रदर्शनसँगै गिलले कीर्तिमानै कीर्तिमान बनाए ।

भारतको गुवाहटीस्थित वर्षापारा रंगशालामा राष्ट्रिय टिममा नयाँ कीर्तिमानसँगै अन्तर्राष्ट्रिय कीर्तिमान पनि उनी तोड्न सफल भए ।

खेलमा २२३ रन बनाएका शुभमन गिलले एकदिवसीय अन्तर्राष्ट्रियमा सबैभन्दा कम बलमा दोहोरो शतक प्रहार गर्ने ब्याटरको कीर्तिमान रचे । उनले ११७ बलमा २०० रन बनाउँदै दोहोरो शतक प्रहार गरे । अविजित रहेका उनले यो इनिङमा कुल २६ चौका र आठ छक्का प्रहार गरे ।

एकदिवसीय अन्तर्राष्ट्रियमा शुभमनको यो दोस्रो दोहोरो शतक हो । उनले सन् २०२३ मा पनि न्युजिल्यान्डविरुद्ध दोहोरो शतक प्रहार गरेका थिए ।

उनी ओडीआईमा दोहोरो शतक प्रहार गर्ने दोस्रो खेलाडी हुन् ।

यसअघि ओपनर रोहित शर्माले ओडीआईमा तीनपटक दोहोरो शतक प्रहार गरेका छन् ।

शतकीय पारीसँगै उनी भारतको क्रिकेट इतिहासमा कप्तानको रूपमा सबैभन्दा कम बलमा शतक प्रहार गर्ने खेलाडी पनि बने । उनले ६२ बलमा १०० रन पूरा गरेका थिए ।

उक्त जितसँगै भारतले वेस्टइन्डिविरुद्धको तीन खेल सम्मिलित एकदिवसीय अन्तर्राष्ट्रियमा २–० को अग्रता कायम गरेको छ ।

गिलसँगै शतक प्रहार गरेका ओपनर रोहित शर्माले एकदिवसीय अन्तर्राष्ट्रियमा आफ्नो ३५औँ शतक प्रहार गरे । उनले शतकसँगै एकदिवसीय अन्तर्राष्ट्रियमा १२ हजार रन पूरा गरे ।

टिमका बलर कुलदीप यादवले पनि एकदिवसीय अन्तर्राष्ट्रियमा २०० विकेट पूरा गरे भने उनी उक्त सफलता पाउने नवौँ भारतीय बलर बने ।