ककरोच जनता पार्टीको ‘जेल भरो आन्दोलन’ घोषणा

काठमाडौं । ककरोच जनता पार्टी (सीजेपी) ले नयाँ आन्दोलनको घोषणा गरेको छ। सीजेपीका संस्थापक अभिजीत दीपकेले सोमबार यसको जानकारी साझा गरेका छन्।

अभिजीत दीपकेले सामाजिक सञ्जाल प्लेटफर्म एक्समा एक पोस्टर जारी गरेका छन्, जसमा अक्टोबर २ मा सीजेपीले मुम्बईस्थित शिवाजी पार्कमा ‘जेल भरो आन्दोलन’ गर्ने लेखिएको छ।

अभिजीत दीपकेले पोस्टमा भारतका प्रमुख निर्वाचन आयुक्त ज्ञानेश कुमारको राजीनामाको मागलाई दोहोर्‍याएका छन्।

यदि ज्ञानेश कुमारले आफ्नो पदबाट राजीनामा दिएनन् भने अक्टोबर २ देखि आन्दोलनको सुरुआत हुने घोषणा सीजेपीले पहिल्यै गरिसकेको थियो।

यद्यपि, सीजेपीलाई मुम्बईमा आन्दोलन गर्ने अनुमति दिइएको छैन।

यसबारे पनि प्रतिक्रिया दिँदै दीपकेले जनताको आवाज दबाउने यस्ता प्रयासहरू स्वीकार्य नहुने बताएका थिए।