एक हप्ताभित्र हर्मुज खोल्ने इरानको प्रस्ताव ट्रम्पले मानेनन्

काठमाडौं । इरानले संवाद र वार्ताका माध्यमबाट मात्रै हर्मुज स्ट्रेटलाई पुनः खोल्न सकिने बताएको छ। अमेरिकी राष्ट्रपति डोनाल्ड ट्रम्पले एक हप्ताभित्र होर्मुज खोल्ने इरानको प्रस्तावलाई अस्वीकार गरिदिएपछि इरानको यो अभिव्यक्ति बाहिर आएको हो।

न्युयोर्कमा पत्रकारहरूसँग कुराकानी गर्दै इरानका परराष्ट्रमन्त्री अब्बास अराघचीले भने, ‘अमेरिकाका तर्फबाट इरानलाई अहिलेसम्म कुनै आधिकारिक जवाफ प्राप्त भएको छैन।’

वास्तवमा, यसअघि ट्रम्पले इरान युद्धमा कमजोर स्थितिमा रहेकाले होर्मुज खोल्ने प्रस्ताव अघि सारेको बताएका थिए। यद्यपि, अराघचीले भने इरान आफ्ना प्रस्तावमा राखिएका सर्तहरूबाट पछि नहट्ने स्पष्ट पारे।

इरानी परराष्ट्रमन्त्रीका अनुसार, यी सर्तहरूमा लेबनानमा जारी द्वन्द्वसहित यस क्षेत्रका सबै सङ्घर्षहरू रोक्नु समावेश छ। यसका अलावा इरानले अमेरिकाद्वारा लगाइएका आर्थिक प्रतिबन्धहरू हटाउनुपर्ने माग पनि राखेको छ।

यसैबिच, इरानी अधिकारीहरूले जहाजहरूलाई इरानले ‘अनधिकृत’ भनेका मार्गहरू प्रयोग गरेर होर्मुज स्ट्रेटबाट नगउन चेतावनी दिएका छन्।